شفاه العسل من عضها ما شبعنا *

ما أكتب شعر أهيا مجرد حكايات ..

...... في وسطهآ مليون فكرة وزون ومعنى ..!

ويمكن يموت الحرف بهدوء و سكات ..*

....... ويزيد ذاك الشوق ومحدن سمعنا ..

واللي عرف وشلون نظمي للأبيات ..

....... يعرف وشلون هالخيال فستانه يسعنا ..*!

وأنا خيالي يسكنه ذوق بالذات ..

....... لا غاص بحر الغزل ما أظن عقبه طلعنا ..*

في ضيقة الدنيا أنا أختار فسحات .. 

....... وأغرق معك في وسط بحرن جمعنا !!

وفي ضيقتك تسجنني الضيقة حزات ..

....... وأجمع دموع اللول فوق خد أنتثرنا *

وأكتب وأشطب البيت وأزيد مرات ..

........ لأن الحروف مشاعري ولا هن يبعنا 

كأني هنا جالس على شط الآهات ..

.......... أنطر قطار الوعد اللي بسهره قطعنا !

و أمشط الطرقات روحه و جايات ..

........ وأذكر شفاه العسل من عضها ما شبعنا *

وذيك العيون الحور بنعسها ساحرات ..

........ والكيك من خدك أذا يوم جعنا !

يا صاحبي يا قاطع الوعد .. هو مات ..؟!

....... أن كان إيه .. أعتبرنا صممنا .*!

ما أكتب شعر أهيا مجرد حكايات ..

....... وبأجمع دموع اللول فوق خد أنتثرنا *

حسن آل محمد 

[ ما  أحلل ولأ  أبيح أي احد ياخذ شي من مدونتي وينسبها لنفسه او لشخص آخر ,

يعني اللي بينقل شي منها بس أبيه يكتب تحت الموضوع  منقول مدونة حسن ]

الحق حق يا عيوني