ذيك الفرس .. بنت الأمير

يغيب عني يوم .. أسبوع .. شهر و كامل العام 

ولا من طرا  له ضيق بزمانه يبكي يجيني 

ويقدم لي أعذار الغياب المر لسام الأيام 

ويقول فيني جروح خل العتب ليه ما تحتويني .؟!

حبي خذني بدفئ صدرك بردان تعبان بَ أنام 

موجوع من هالكون مقهور متى تحس فيني ؟؟

عطني حنانك صدق .. أبي أمانك يا بياع الأحلام 

مليت من روح البحر .. أروح له وهو ما يجيني !

تعبت تعبت من وقفت فقير الحظ على شط الألام 

جفت دموعي من كثر ما سبحت في بيديني !

ذيك الفرس بنت الأمير اللي لها  الناس خدام 

مرت وقالت داوو المجروح لو على قطعت يميني !

لقيت فيها حب و أحساس و الصوت أنغام 

وجمال ممزوج نجدي على شرقي يا هو زويني 

وكحل العيون الحجازية الناعسة برسم رسام 

شماليه بكرمها تعطي ثم تعطي لين تروي حنيني 

وريحة وردة جنوبية تشمها لمئة متر قدام 

أجمل من بدر السما و أحلى ما صار لي و فيني !

إميرتي فاقت كمال الحسن و أقسم أقسام 

لا من طرا لي سفر باريس لندن جنيف دايم توديني 

أرحل معك بالخيال العذب يا طيف الأنسام 

وشعرك سواد الليل أشمه يدوخني و يغطيني !

وقلتي أنسج شعورك .. أحاسيسك .. مع الأيام 

أكتب جراتك .. فكرك .. بفهمك يا نظر عيني 

أحب أبنى قلاع الرمل و أزينها مملكة أوهام 

وأحب أضحك مثل ما أبكي ولا تسألني أشفيني .؟!

وأكره دمعة الأطفال .. وألعن لحظة الأعدام 

وأحب أصرخ ثم أهدى جينات تطلعني و توطيني !!

وأغار من أمك و أبوك و أخوانك و الحرس و الخدام !!

وأغار من المرايا لا وقفتي أمامها وقلتي وش زيني .؟!

وأكره عجوز العرس لا نادتك وقلتي أمري سام !

وأحبك يا بحر و غروب الشمس و الطبيعة حيل تهويني 

حبيبتي من اللي جنب الأميرة وأنتهى بكسر الأقلام !

لكن عطائها جزال تعطي ثم تعطي لين ترضيني 

حسن آل محمد 

[ ما  أحلل ولأ  أبيح أي احد ياخذ شي من مدونتي وينسبها لنفسه او لشخص آخر ,

يعني اللي بينقل شي منها بس أبيه يكتب تحت الموضوع  منقول مدونة حسن ]

الحق حق يا عيوني