أبسالك تدرين وش يعنى أنا ..؟
يعني ندم .. والإ قهر .. والإ عناء !
يعني عيون .. أبدون دمع
يعني صراخ .. أبدون صوت !
يعني بحر .. أبدون موج
يعني نهاري فرح .. وبليلي أموت !
إيه هذا أنا
لا تسأليني وش أكون ..؟!
لوحة و حطمها الجنون ..
أضحك وأنا كلي طعون ..
وأبكي لا قالوا بهالدنيا فرح !
لا تسأليني وش أكون ..؟!
ما هو تناقض مصطنع
هذي حكاية مجتمع !
في كل شيء لا يجوز .. وذا حرام !
ويصحى بكره يحلل اللي حرمه !!
وذاك يفتى رفقا بالقوارير يا عيال
و منال جاها من تهائمهم مالا يقال !
البطالة عالية .. و الفقر أصبح صفة
و الإراضي محوشة .. حوش يأصحاب الكروش
و الرواتب ماتأكلك نص الشهر .. يا تسلف أو أنتحر !
و الفساد أكل جدة مرتين ..
والثالثة يا تحىء أو نعزي الميتيين !
و بالعنوسة أمتلت كل البيوت
لا شباب ولا صبايا .. كلهن ملوا السكوت !
هذي حكاية مجتمع ..
مهو خبر مكذوب أو حجر الودع !
وما بقى غير التخيل و الرداد ..
بن همسك و لمسك و العناد !
وأنتهى وقت الملذة ..
وأنكسر كأس المزاج ..
كنت أسكر من شفاتك ..
وأتخيلك لي بهالدنيا بحر ..
كانت عيونك موانىء ..
وكانت خدودك جزر ..
والحواجب لك حدود ..
و رسمها فتان باللون الشقر ..
و السنون لؤلؤ لثغرن حرس !
و مبسمك هادىء ويفت الصخر ..
بس وين مرسى هالسفينة ..؟!
هو بقى بعينك .. مقر !!
أنا أسالك باقي بعيونك مقر .؟!
* منال = منال الشريف
والتهجم عليها بأبشع الأوصاف
والقذح في عرضها بعدقيادة السيارة !
حسن آل محمد
[ ما أحلل ولأ أبيح أي احد ياخذ شي من مدونتي وينسبها لنفسه او لشخص آخر ,
يعني اللي بينقل شي منها بس أبيه يكتب تحت الموضوع منقول مدونة حسن ]
الحق حق يا عيوني
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.